澳門幣，或者叫澳門元/圓，係中華人民共和國澳門特別行政區嘅法定流通貨幣，通常用縮寫 MOP$ 表示。而正式嘅 ISO 4217 簡稱為 MOP（Macao Pataca）。澳門嘅貨幣政策係由金融管理局">澳門金融管理局管理。1澳門幣可以暢做100仙 (Avo)。澳門幣嘅葡語名稱 "Pataca" 源自曾經喺亞洲廣泛使用嘅銀圓「墨西哥的八個雷亞爾」（葡語：Pataca Mexicana）。
喺澳門同埋香港嘅民間，澳門幣亦都叫葡幣，用來同以前曾經亦喺澳門流通嘅廣東銀圓同埋港元分開。不過，葡萄牙嘅本土貨幣實際上係另外一種貨幣，即係士姑度（Escudo）或者歐元（自1999年開始）。所以唔知情人士會誤會「葡幣」係葡萄牙貨幣。
1995年後，澳門幣嘅紙幣由澳門金融管理局授權銀行">大西洋銀行同埋銀行澳門分行">中國銀行澳門分行發行，硬幣就由澳門金融管理局負責發行。澳門幣同港元之間實行聯繫匯率制度，以1.03澳門幣兌1港元。由於港元同美元">美元實行聯繫匯率制度，所以澳門幣亦間接同美元掛鉤，匯率大概係1美元兌8元澳門幣。澳門現時對澳門幣同外幣嘅進出境都冇管制，遊客可以喺澳門嘅酒店、銀行、兌換店等地自由兌換貨幣。