周海媚（1966年12月6號—），花名海味，喺香港出世，係滿洲白旗嘅滿族人，做過香港女藝員。
周海媚曾經喺麗澤小學同譚伯羽中學讀書，1985年參選香港小姐，落選咗之後簽約無綫電視成為旗下藝員。佢拍過好多部劇集，包括《義不容情》，亦曾經推出咗寫真集。
佢啱啱出道嗰陣，同呂良偉關係好密切，後來同黎明合作嗰陣又爆出緋聞，近年又話有同周家文拍拖，不過呢啲卒之係傳聞。
周海媚對眼曾經有1200度近視，2002年做咗激光矯視手術將度數降低。佢前幾年個面有一陣生咗瘡，畀傳媒紛紛猜疑佢生咗紅斑性狼瘡，亦有人話佢唔知響邊度吃咗啲唔係幾啱嘅嘢先至搞成咁，而家一早就好番。
佢呢幾年專注喺中國大陸拍劇集同埋廣告，好少喺香港露面啦。

演出作品

《回到未嫁時》
《義不容情》
《今生無悔》
《生命之旅》
《倚天屠龍記》
《大鬧廣昌隆》
《天地豪情》 電視劇（無綫電視）

《縱橫四海》